450 vjet më parë, vdekja e Mbretëreshës Elizabeth II ishte parashikuar nga Nostradamusi?
Duket e çuditshme, por edhe këtë herë ka hyrë në lojë Nostradamu, me teoritë e tij konspirative, të cilat kanë lënë vend për diskutim së fundmi.
Autori Mario Reading, ai që ka interpretuar veprën e Nostradamus, ka thënë se ai kishte parashikuar edhe vdekjen e Mbretëreshës Elizabeth II në moshën 96-vjeçare. Sipas tij, parashikimi i Nostradamus është bërë mbi 450 vite më parë.
Shitjet e librit të astrologut francez u rritën brenda pak ditësh, që pas vdekjes së Mbretëreshës, më 8 shtator. Në ditët e para, u shitën vetëm 5 kopje, por deri më datë 17 shtator, numri i shitjeve arriti në 8 mijë kopje.
Nostradamus është përfolur shumë për parashikimin e shumë ngjarjeve të bujshme. Ai dyshohet të ketë parashikuar Zjarrin e Madh të Londrës, ardhjen e Hitlerit në pushtet si dhe dy luftëra botërore.
Astrologu dhe mjeku francez frymëzohej nga tekstet biblike dhe përvojat e tij të murtajës, me parashikimet e tij të fokusuara në urinë dhe pikëllimin. Më shumë se 400 vjet pasi Nostradamus botoi librin e tij, vepra e tij mbetet e njohur sepse parashikimet e tij janë plotësisht të hapura për interpretim.
Nostradamus parashikoi në vitin 1555 se ndryshimi i klimës do të bëhej aq i keq saqë temperaturat në rritje do të ‘përgjysmonin’ peshkun në det. Po ashtu, ai ka parashikuar se Toka do të goditet nga një goditje asteroidi, duke shkaktuar vdekje masive.
