Pas ndarjes nga Tom Brady, Gisele Bündchen në një lidhje të re?

Gisele Bündchen u pa duke darkuar sërish me instruktorin e saj të arteve marciale Joaquim Valente, teksa është me pushime në Kosta Rika.

Në një foto të siguruar nga Entertainment Tonight, modelja 42-vjeçare po ecte në krah të Valente-s e veshur me një bluzë të shkurtër dhe pantallona të zeza. Dyshja shoqërohej gjithashtu nga fëmijët e Bündchen - Benjamin, 12 vjeç dhe Vivian, 9 vjeç - dhe vëllai i mësuesit të jiu-jitsu, Jordan.

Ish-engjëlli i Victoria's Secret u pa duke darkuar me Valente-n gjithashtu në fillim të kësaj jave. Megjithatë, edhe pse modelja është beqare pas finalizimit të divorcit nga Tom Brady në tetor, dalja nuk ishte romantike.

"Gisele dhe Joaquim nuk janë lidhur," tha një burim për ET. "Joaquim dhe vëllai i tij, Jordan, janë mësues të arteve marciale të Gisele dhe djalit të saj."

Një burim i tha Us Weekly se Bündchen dhe bashkëthemeluesi i Valente Brothers punuan së bashku në një sesion fotografik për revistën Dust në vitin 2021 dhe njihen prej dy vitesh.

Modelja braziliane dhe Tom Brady njoftuan ndarjen e tyre muajin e kaluar pas më shumë se një dekade martesë.