Publiku vendos! Eurovision 2023, ndryshime të mëdha në votim

Eurovision 2023 do të vijë me ndryshime të mëdha. Unioni Evropian i Transmetuesve ka deklaruar ndryshime në votim në konkursin e këtij viti në Liverpool. Dhe për herë të parë në historinë e Eurovizionit, votimi po bëhet global. Në mbarë botën, shikuesit në vendet jo-pjesëmarrëse do të mund të votojnë online për këngët e tyre të preferuara.

Po ashtu, kualifikimet për gjysmëfinale do të përcaktohen me votim 100% të publikut. 

Sipas ndryshimeve të reja, votimi i jurisë për gjysmëfinale anulohet. Vetëm votimi i publikut do të vendosë vendet që kualifikohen për finalen e madhe, në vend të një kombinimi të votave të jurisë dhe publikut – sistem që ishte vendosur që nga viti 2009.

Ndryshimi u mirarua sot, më 22 nëntor.

Megjithatë, juria profesioniste do të thotë fjalën e saj në finale. Rezultatet e televotimit dhe jurisë do të kombinohen për të përcaktuar fituesin e Eurovision Song Contest 2023.

Burimi: Wiwibloggs