1 vit pas abortit, Jessie J ka diçka për të thënë: 'Ende më dhemb'

Pikërisht një vit pas humbjes së foshnjës së saj, Jessie J po reflekton mbi përvojën e dhimbshme.

Ajo u shpreh e pikëlluar, duke thënë se megjithëse ka kaluar një vit, ende dhemb humbja e foshnjës.

Në story-n e saj në Instagram, këngëtarja e nominuar për Grammy pranoi se pikëllimi është një udhëtim kaq i çuditshëm dhe personal.

“Sot, një vit më parë më thanë se fëmija im nuk kishte më rrahje zemre”, u tha ajo 12 milionë ndjekësve të saj.

“Edhe pse mund ta tregoj historinë tani pa qarë, ende po zbuloj të gjitha gjërat pozitive që më dha ajo humbje.”

Jessie, emri i vërtetë i së cilës është Jessica Ellen Cornish, tha se përvoja i ka dhënë asaj forcë, mençuri, ndjeshmëri dhe mirënjohje, por pranon se akoma dhemb dhe gjithë kohën ka menduar për të gjitha gratë, burrat dhe familjet që e kanë kaluar këtë shumë herë dhe sa të fortë janë ata.

"Koha ndihmon, por dhimbja kurrë nuk zbehet në të vërtetë," vazhdoi ajo. "Po dërgoj dashuri dhe forcë në zemrën e kujtdo që e ka ose po e përjeton këtë gjë tani."

Në nëntor 2021, këngëtarja zbuloi se kishte pësuar një abort një ditë para se të dilte në skenë për një koncert.

Ajo më vonë iu drejtua fansave të saj në të njëjtin koncert, duke u thënë: “Më kishin thënë shumë kohë më parë se nuk mund të bëja fëmijë dhe nuk e besoja kurrë. Unë nuk besoj në gënjeshtra.”