Zbulohet identiteti i partnerit të ri të Afrona Dikës
Sikurse kishte lënë të kuptohej prej javësh, edhe Afrona Dika ka nisur një lidhje të re pas ndarjes nga Blero Muharremi.
Teksa në fillim nuk dihej se kush ishte partneri i saj i ri, tashmë identiteti i tij është zbuluar. Në “Instagram”, një person me emrin James ka postuar një foto i shtrirë, ndërsa para tij duket edhe modelja shqiptare. Nga emri duket se personi në fjalë është i huaj.
Në foton e postuar ai nuk e ka zbuluar identitetin e tij, duke u shfaqur pa fytyrë, ndërsa duket vetëm pak Afrona. “Gjithmonë zjarr,”-shkruan James krahas imazhit, duke etiketuar edhe Dikën.
Blero dhe Afrona u martuan në shtator të 2019-ës, në një ceremoni madhështore në Lezhë. Mirëpo edhe pas martesës ata vijuan të jetonin të ndarë, Blero në Kosovë dhe Afrona në Zvicër. Verën e vitit të kaluar ata i dhanë fund martesës.
