Ç'kanë xhinset e Kendall Jenner kaq të veçantë që kushtojnë rreth 7 mijë dollarë :o
Këto xhinse thjesht mund t'ju falimentojnë.
Pasi vodhi vëmendjen në tapetin e kuq të ‘Met Gala 2023’, me një body të Marc Jacobs me temina, të kombinuara me platforma të larta, Kendall Jenner doli në New York të mërkurën e veshur me një palë xhins. *Me një pale xhins me çmim të kripur.*
Ajo kishte veshur pantallona Bottega Veneta që kushtojnë plotë 6800 dollarë. Edhe pse dukeshin si një palë xhinse të thjeshta, ato në fakt janë të punuara me lëkurë me printe.
Jenner kombinoi pantallonat e saj trompe l'oeil me një prej këmishave prej lëkure që kushton 6900 dollarë. Ylli i pasarelave – e cila e përfundoi look-un e saj me një bluzë të bardhë dhe Adidas Sambas (100 dollarë) – ka një histori të gjatë me markën luksoze.
Ajo ka ecur në pistat e Bottega Veneta në Javën e Modës në Milano që në vitin 2014 dhe rregullisht vesh çantat, këpucët dhe veshjet e tyre.
Që nga marrja e detyrës nga ish-drejtori krijues i Bottega Veneta, Daniel Lee në vitin 2021, Matthieu Blazy e ka bërë lëkurën e iluzionit optik një pjesë kyçe të koleksioneve të tij.
Përveç pantallonave dhe këmishave si ajo e Jenner, marka aktualisht shet bluza trompe l'oeil (3,100 dollarë), polo (5,900 dollarë), triko argyle (6,800 dollarë).
Kate Moss veshi një version të këmishës së fundit në sfilatën e Bottega-s në pranverën e vitit 2023, së bashku me xhinse si ato të Jenner-it; sipas Vogue, lëkura e saj plade kërkonte 12 shtresa printimesh për t'i ngjasuar këmishës së vërtetë.
