Michael Davenport, Kreu i OSBE-së në Kosovë ka reaguar në lidhje me vrasjen e Liridona Murselit në Prishtinë. Davenport me një status në rrjetet sociale ka bërë thirrje për solidaritet dhe sensibilizim në lidhje me rastin dhe raste të tjera të ngjashme.
“I tmerruar nga një rast tjetër brutal i femicidit në afërsi të Prishtinës – teksa shënojmë 16 Ditët e Aktivizimit kundër dhunës në familje. Thirrje zgjimi për të gjithë ne – #VeproTani #StopFemicidit”, shkroi Davenport.
Liridona Murseli u vra tri ditë më parë në Prishtinë, ndërsa dje u arrestua bashkëshorti i saj dhe dy persona të tjerë, të cilët dyshohet se organizuan dhe kryen vrasjen e saj.
