Një mesazh nga Rudina Dembacaj: S’duhet të lejojmë askënd të na vendosë kufijt e nënshtrimit

Mes tymnajës që qarkullon në rrjet, Rudina Dembacaj ka zgjedhur t'i rikujojë vetes dhe çdo gruaje fuqinë që mbart.

"Çdo vajzë, çdo grua ka sfidat, fitoret, vuajtjet, gëzimet, ulje- ngritjet, kryengritjet e saj. Punon, duron, mbijeton, për veten, për fëmijët, për familjen e saj. Flet shumë edhe atëherë kur zgjedh me hesht."- shkruan ajo në një status në Instagram.

Më tej vijon duke u shprehur se "Pavarsisht se çfarë i ndodh në jetë e me kë duhet të përballet, betejën më të madhe e ka me veten, që të mund të ruajë dinjitetin, integritetin edhe në kohë të vështira. Lum kush ja del, sepse respekti për veten, është fuqia më e madhe për të ecur veç përpara."

Përkrah fotove nga roli i saj në “7 minuta”, ajo shkruan se "7 minuta më mjaftuan, që ashtu e strukur nën lëkurën e personazhit që kisha në shfaqje, t’ia rikujtova prap fort vetes se s’duhet kurrë me u dorëzu e s’duhet me leju askënd me na vendosë kufijt e nënshtrimit, ku do me të pa. Ishim 11 vajza e gra në atë skenë, me jetë e karaktere të ndyshme, deri në ekstreme. Unë, isha malësorja që në fillim u frikësova, u hutova u lëkunda përballë rrezikut që po na kanosej….derisa e gjeta forcën e në fund i thashe JO humbjes së dinjitetit tim."