Egla Ceno ka deklaruar së fundmi se asnjëherë do të lejonte një punëdhënës që t'i kërkonte favore seksuale në punë. Aktorja tha se do ta ngrinte zërin edhe sikur të gjithë botën ta ketë kundër, sepse nuk dëshiron një një burrë t'i afrohet vetëm sepse është femër.

“Mua nuk duhet të më ngacmosh në punë, nuk duhet të më kërkosh gjënë (për favore seksuale). Unë jam në anën time të drejtës dhe do e bërtas sikur të gjithë botën ta kem kundër, unë këtë gjë do e bërtas. Mua nuk dua të më afrohesh vetëm sepse jam grua, vetëm se je burrec, se e ke ves, sepse je qelbësirë. Ta shikosh gruan si objekt kënaqësie! Jo, o vlla, edhe sikur të gjithë botën ta kem kundër, nuk më frikëson asgjë.”- tha Egla.

Kujtojmë që Egla ka akuzuar në “BBVIP” Saimir Kodrën se vite më parë i ka kërkuar favore seksuale në këmbim të një vendi pune.

Rrëfimi i Egla Cenos:

“Puna nuk mbaron, do të marrin në punë tjetër nuk do jesh ti e dëmtuara se nuk ke bërë asgjë të keqe. I the një derri mu hiq qafe, e the me vend dhe në vendin e duhur. Ishte një zotëri tjetër që kishte një radio s’po ja them emrin se nuk ekziston më. Unë hyra atje dhe punova, po në radio si zonjë. Më ka trajtuar me një rrogë fantastike në atë periudhë nuk e di si ta merrja. Isha “Happy”, paguaja qeranë, haja ndonjë darkë jashtë. Por duhet të them gjërat vijnë. Nuk duhet të dalin më me zë dhe figurë në ekran, ma kanë bërë mua, ja kanë bërë shumë të tjerave pas meje, ndoshta e bën akoma dhe ti del në ekran me emër. Po moj, Kodra ka qenë, ai që bën atë gjënë programin. Se nuk e kam fare problem, ai ka qenë. Zero, se kam fare problem ta them. Duhet me dalë me emra të përveçëm se ndryshe je duke bërë “ham, ham” kot,” tha Egla .

Deklarata e Saimir Kodrës:

“Do të bëj një reagim të shkurtër, se zonja që ka bërë deklaratën ka kaluar kompetencat duke përmendur një person që nuk është aty. Aty zihen për flokësh, shahen pse më përmend babën që është jashtë. E vetmja përgjigje kësaj aktore të dobët, e këtij skenari po aq të dobët të ndërtuar do i përgjigjet ajo vetë në Gjykatë. Kjo deklaratë e saj është në Gjykatën Penale, ajo Ceno ka barrën e provës që të vërtetojë që këtu e 25 vite më parë i paskam kërkuar afera seksuale në këmbim të një vendi pune. Kësaj zonjës dhe aktores së dobët, pas 25 vitesh i del detyra që ta vërtetojë në Gjykatë. Kam qenë dhe do të jem krah femrave që dhunohen, molestohen, me fakte dhe me prova si gjithmonë. Unë s’di të kem punuar ndonjëherë as shefi i burimeve njerëzore që të punësoja njerëz, as recepsionist. Kam qenë moderator i thjeshtë i një emisioni që quhej “Radio Mania”. Është vënë në mes dinjiteti njerëzor. Kjo është një çështje penale për zonjën, por edhe për televizionin ku ajo e ka thënë atë deklaratë,” tha Kodra.

Përgjigja e Eglës:

“Unë e ftoj Samirin të qetësohet me prononcimin që bën. Pa kaluar në skenarë, regjisorë, aktorë etj. Unë nuk flas me skenarin e dikujt që të them një gjë kaq të vërtete saqë e kam kaluar nën lëkurën time. Marr përgjegjësi për gjerat që them. Mirësetëvijë gjykata. Unë sigurisht nuk do kem prova materiale, sepse një event i ndodhur para 25 vitesh i paregjistruar, kërkesë pune në një studio radio. Nuk ka prova, unë nuk kam shkuar aty për të regjistruar. Mund të bëj një gjë tjetër, që do ta mendoj mirë  para se ta them. Unë jam përgjegjëse për atë që them”, tha Egla Ceno.