Megi Pojani dhe Endri Çekiçi janë çifti më hermetik i showbizit shqiptar. Kujt do ia kishte marrë mendja në fillim të zbulimit të romancës së tyre që ata do zgjidhnin të arratiseshin nga vëmendja mediatike duke jetuar një lidhje në privatësi.
Lidhja e tyre u zbulua rreth dy vite më parë nga fotot në vende të njëjta. Sigurisht që nuk ishin padashje, por kaq kanë zgjedhur dy protagonistët të na japim gjithmonë: grimca nga raporti i tyre...
Që po i reziston shumë mirë distancës pasi futbollisti jeton në Turqi, ku luan me skuadrën e Konjas. Siç e kemi parë në mediat sociale, moderatorja udhëton shpesh drejt Turqisë, madje Çekiçi i dedikoi një gol dhe një puthje në stadium muaj më parë. Nuk kanë munguar as fotot nga paparacët. Por, vetë ata nuk kanë postuar kurrë së bashku.
Vera sapo ka nisur e po ashtu edhe pushimet e çiftit tonë. Destinacioni? Maldives. Ata po kalojnë disa ditë relaksi larg zhurmës e angazhimeve, duke iu dedikuar njëri-tjetrit.
Megi shumë aktive ka ndarë në Instagram foto të shumta ku shfaqet hot, shumë tërheqëse dhe gjithmonë vetëm.
Po ashtu, më pak aktiv, Endri shfaqet vetëm në profilin e tij.
Nuk e dimë nëse ata do vendosin ndonjë ditë të jenë më të hapur për raportin e tyre, por po presim me shumë kuriozitet.
