Po mendoni për një karrierë të re? Apo thjesht kërkoni të investoni te ana juaj profesionale për një treg pune në zhvillim?
Tendencat ndryshojnë çdo vit, por ajo që vazhdon të jetë njësoj janë përparimet e shpejta në teknologji. Nëse dëshironi të mbeteni konkurrues ndërsa avanconi në karrierën tuaj ose ndryshoni punë, atëherë është koha të investoni në rritjen tuaj.
Në vitin 2024, aftësitë që kërkohen më shumë në treg nuk mund të gjenden në një tekst shkollor, ose vetëm me një diplomë universitare. Siç thuhet edhe nga Forbes, aftësi si kodimi, analitika e të dhënave, siguria kibernetike dhe inteligjenca artificiale do të jenë shumë të rëndësishme për karrierën tuaj. Por nuk ka të bëjë vetëm me teknologjinë dhe rritjen e aftësive tuaja teknike.
Ndërsa AI (Inteligjencës Artificiale) është dhe do të vazhdojë të jetë kryefjala për të ardhmen, pika kryesore mbetet përqafimi i teknologjisë dhe se si mund ta përdorni atë për ta bërë jetën tuaj më të lehtë.
Tendencat aktuale dhe fushat e rritjes tregojnë se këto janë aftësitë kryesore që do ju duhen për t’iu përshtatur tregut të punës për 10 vitet e ardhshme:
-Njohuri digjitale dhe aftësi teknologjike
-Njohuri dhe aplikim i AI
-Përshtatshmëria dhe elasticiteti
-Mendimi kritik dhe zgjidhja e problemeve
-Inteligjenca emocionale
-Siguria kibernetike
-Aftësitë e bashkëpunimit në distancë
-Analizim i të dhënave digjitale
