Angelina Jolie shprehet për here të parë se çfarë të bëhej edhe këngëtare
Angelina Jolie ka ndarë një rrëfim të ndjerë mbi ndikimin që mendimi i një të dashuri mund të ketë në vetëbesimin e dikujt. Ajo ka zbuluar se, për një kohë të gjatë, kishte ndaluar së kënduari për shkak të kritikave të një personi të veçantë që e kishte ofenduar për mënyrën sesi këndonte.
"Kam pasur dikë në jetën time që nuk ishte i sjellshëm me mua dhe ofendonte mënyrën sesi këndoja. Dhe kështu mendova se nuk mund të këndoja vërtet… Unë thjesht u përshtata me mendimin e këtij personi. Kështu që më duhej të kalonja shumë gjëra që të filloja të këndoja sërish", u shpreh ajo.
Ndikimi negativ i këtij individi ishte aq i fortë saqë e kishte detyruar të heshte dhe të ndalonte pasionin e saj për këndimin.
Përgjatë marrëdhënieve të saj të mëparshme me Jonny Lee Miller, Billy Bob Thornton, dhe Brad Pitt, Jolie nuk ka zbuluar nëse kritika e përmendur është nga njëri prej tyre. Megjithatë, ky rrëfim tregon se ndonjëherë ndikimi i të tjerëve mund të jetë shumë i fuqishëm për të na ndalur të ndjekim ëndrrat tona.
Tema është bërë e dukshme edhe në filmin e saj të ri, “Maria,” ku Jolie këndon. Ajo përshkroi se kishte besuar për një kohë të gjatë se kishte një zë të ulët dhe i kishte shpjeguar instruktorit të këngës për “pamundësitë” e saj. Megjithatë, instruktori e kishte përgënjeshtruar, duke i thënë se ishte një soprano. “Dhe ndoshta diçka ka ndodhur. Zëri ndryshon përgjatë jetës. Pra, ishte një tronditje. Ishte shumë e çuditshme,” tha Jolie.
