Princi Harry beson se Princeshë Diana do të kishte dashur që ai t'i rriste fëmijët në SHBA
Princi Harry ka deklaruar se beson se nëna e tij e ndjerë, Princeshë Diana, do të kishte dëshiruar që ai të rriste dy fëmijët e tij, Princin Archie, 5 vjeç, dhe Princeshën Lilibet, 3 vjeç, në Shtetet e Bashkuara.
“Ndjej sikur kjo është jeta që nëna ime dëshironte për mua,” tha Duka i Sussex gjatë një interviste në New York Times DealBook Summit. “Të jem në gjendje të bëj gjëra me fëmijët e mi, që padyshim nuk do të mundesha t’i bëja në Mbretërinë e Bashkuar, është diçka shumë e madhe. Jam jashtëzakonisht mirënjohës për këtë.”
Harry, 40 vjeç, konfirmoi se ka në plan të qëndrojë në SHBA për një kohë të gjatë dhe ndau çfarë i pëlqen më shumë në këtë vend. “Më pëlqen shumë të jetoj këtu dhe të rris fëmijët e mi këtu,” tha ai. “Është një pjesë e jetës sime që kurrë nuk e kisha menduar se do ta përjetoja.”
Duka dhe Meghan Markle, 43 vjeç, hoqën dorë nga detyrat mbretërore dhe u shpërngulën në Amerikën e Veriut në vitin 2020. Në verën e atij viti, ata blenë një shtëpi me vlerë 14 milionë dollarë në Montecito, Kaliforni.
Në prill 2023, Harry zbuloi se po mendonte për shtetësinë amerikane, duke thënë në “Good Morning America”: “Shtetësia amerikane është një mendim që më ka kaluar nëpër mendje, por nuk është prioritet i lartë për momentin.”
Harry e përshkroi jetën në bregun perëndimor si “të mrekullueshme” dhe tha se e dashuron çdo ditë të jetës atje.
