U përfolën për një romancë: Reagimi i instruktorit të palestrës dhe detaji që ngre dyshime për raportin me Eglin
Pas përfundimit të spektaklit “Big Brother VIP”, thashethemet për një romancë të mundshme mes Eglit dhe Marios, instruktorit të palestrës, kanë marrë hov në rrjetet sociale dhe media. Ish-banori Gert Ferra ishte i pari që hodhi dyshime, duke treguar në një intervistë për Top Albania Radio se Mario e kishte shoqëruar Eglin në ambientet e Top Channel një ditë para hyrjes së saj në shtëpinë e “Big Brother VIP” më 21 dhjetor.
Megjithatë, Egli i mohoi këto zëra pas daljes nga reality show, duke i cilësuar si të pavërteta. Pavarësisht deklaratave të saj, së fundmi kanë qarkulluar disa foto të reja që kanë ringjallur spekulimet. Në imazhet e publikuara, Egli dhe Mario shihen duke pozuar në Itali për një kompani orash. Ato janë realizuar në të njëjtin vend dhe postuar pothuajse njëkohësisht, duke shtuar kuriozitetin për natyrën e marrëdhënies së tyre.
Situata është bërë më interesante pasi Mario reagoi me një postim në Instagram ku shkruante: “Është e diel, je ‘instruktor palestre’, jeta është e bukur”, një koment që shumë e interpretuan si një thumb ndaj Eglit, pas deklaratave të saj ku e përshkroi atë si “thjesht një instruktor”.
Mbi të gjitha, Egli dhe Mario nuk e ndjekin më njëri-tjetrin në Instagram, duke lënë të kuptohet se çdo raport i mundshëm mes tyre është shuar përfundimisht.
