Një mbrëmje muzikore në Arenën e Versilias në Cinquale (provinca Massa Carrara) është kthyer në kaos, pasi koncerti i reperit Sfera Ebbasta u ndërpre papritur për shkak të një sherri të dhunshëm që shpërtheu gjatë "pogo"-s nën skenë.
Reperi 32-vjeçar, i acaruar dhe i zhgënjyer, la skenën nën fishkëllimat e një pjese të audiencës. “Kjo ishte kënga e fundit për sot dhe dikush vendosi ta shkatërrojë. Më vjen shumë keq”, tha ai në mikrofon. E më pas shtoi:
“Këto janë arsyet pse njerëzit nuk kanë dëshirë të performojnë më. Nuk dini si të argëtoheni, djem.”
View this post on Instagram
Sipas videove të shpërndara në rrjet, gjithçka nisi në zonën e pogo, ku një i ri u godit me shqelm në kokë nga një tjetër. Në atë moment, ndërsa në sfond dëgjohej “Visiera a becco”, atmosfera e festës kaloi në tension dhe dhunë.
