Numerologjia prej kohësh shihet si një mënyrë për t’i dhënë kuptim gjërave që ndodhin “rastësisht”. Pikërisht këtu futen të ashtuquajturit numra engjëllorë sekuenca numrash që përsëriten dhe që shumë njerëz i lexojnë si sinjale nga universi.

Nëse së fundmi të del shpesh përpara numri 333 në orë, fatura, targë makine, mesazhe sipas kësaj filozofie nuk është thjesht rastësi. Ky numër lidhet me rritje, zgjerim dhe ndryshim, si në plan personal, ashtu edhe profesional.

Çfarë janë numrat engjëllorë?
Numrat engjëllorë janë kombinime numrash që përsëriten (p.sh. 111, 222, 333, 11:11) dhe që interpretohen si mesazhe simbolike:

-çdo numër nga 1 në 9 ka një energji të veçantë;
-numri 3 lidhet me komunikimin, shprehjen e vetes, kreativitetin dhe pozitivitetin;
-kur e sheh të trefishuar (333), konsiderohet sikur ajo energji është shumëfishuar dhe po të “troket” në derë.
Ideja është kjo: kur një numër të del vazhdimisht, vlen të ndalosh e të pyesësh veten: çfarë po mendoja në atë moment? Çfarë po ndodh në jetën time tani?

Kuptimi i përgjithshëm i numrit 333
Numri engjëllor 333 shihet si shenjë që:

-je në një fazë ndryshimi dhe rritjeje;
-je në një pikë kryqëzimi ku vendimet e tua kanë peshë për të ardhmen;
-universi (apo “engjëjt”, nëse e shikon kështu) po të nxit të ecësh përpara me më shumë vetëbesim dhe vetëdashuri.
Kjo rritje mund të lidhet me:

-karrierën dhe financat
-jetën personale e shpirtërore
-marrëdhëniet e dashurisë dhe miqësitë

Sipas ekspertes së numerologjisë Jane Alton, energjia e numrit 3 është “si lindja e një ideje në dritë të plotë ndjesia që gjithçka është e mundur”. 333 të fton të besosh tek kjo dritë, por edhe të marrësh hapa konkretë.

Çfarë do të thotë kur e sheh shpesh 333?
Nëse 333 po të ndjek kudo, mesazhi kryesor është: “Rishiko ku je dhe vendos vetë nga do të shkosh.”

Mund të jetë moment kur:

-ke një mundësi të frikshme në punë, por po e shtyn;
-ndihesh e pasigurt për një marrëdhënie apo miqësi;
-ndien që ke ndryshuar brenda, por ende s’ke bërë lëvizjen që përputhet me këtë ndryshim.

Mos e mashtro veten. Shikoje të vërtetën ashtu siç është dhe zgjidh atë që të çon drejt versionit më të mirë të vetes.
Nëse e sheh në tabelë rruge, në orë, në një email, ideja është se kjo energji po të shtyn të mos fshihesh pas frikës, por të pranosh ndryshimin.

Ligji i tërheqjes thotë se ajo që ne shpërndajmë në mendime dhe energji kthehet tek ne në një formë a një tjetër.

Lidhja me 333:

-nëse e sheh shpesh, mund të jetë shenjë që po bëhesh më e vetëdijshme për mendimet dhe dëshirat e tua;
-universi të “rikujton” që të shohësh çfarë po ushqen: frikën apo besimin, dyshimin apo vizionin?

Një mënyrë praktike: sa herë sheh 333, pyes veten:

-Çfarë po mendoj tani për jetën time?
-Po ushqej skenar negativ apo po fokusohem te çfarë dua vërtet?
-Çfarë mund të ndryshoj në mendimet e mia tani?

Në aspektin e marrëdhënieve, 333 lidhet me:

-gëzim, lojë, dritë, komunikim;
-dëshirën për të qenë aty ku ka të qeshura, afërsi dhe energji të mirë.
Por ka edhe një paralajmërim: energjia e 3-shit mund të bëhet:

-pak “over the top”
-shumë e shpërqendruar
-e gatshme të bëjë të tjerët të lumtur duke harruar veten
Mesazhi i 333 këtu është:

-investo kohë te marrëdhëniet që kanë vlerë, jo në çdo lidhje sipërfaqësore;
-rrit cilësinë e lidhjeve, jo thjesht sasinë;
-mos harro se rritja jote personale është kusht që marrëdhëniet të rriten me ty.


Numri 3 lidhet me:

-kreativitet
-humor dhe dritë
-mendje të hapur
-komunikim të fortë
-aftësi për t’i mësuar të tjerët me shembull dhe fjalë

333 flet për njerëz që:

-kanë plot ide
-kanë entuziazëm natyral
-dinë të ndezin dritën në një dhomë të errët
-mësojnë shumë nga çdo eksperiencë (kur nuk kufizohen vetëm te të folurit)