Edicioni i pestë i Big Brother VIP Albania do të nisë zyrtarisht më 20 dhjetor dhe që tani është kthyer në temë kryesore diskutimi në rrjete sociale. Ky sezon vjen i ngarkuar me pritshmëri, emocione dhe, fatkeqësisht, edhe me një mungesë të madhe që ka prekur publikun: këngëtari i njohur Shpat Kasapi, i cili përflitej se ishte në listën e të ftuarve, është ndarë papritur nga jeta, duke lënë pas dhimbje dhe shumë pikëpyetje te fansat e tij.
Megjithatë, pavarësisht kësaj hije trishtimi, produksioni po vijon përgatitjet për një sezon që pritet të jetë ndër më dinamikt dhe më të komentuari deri më sot, falë emrave që po qarkullojnë si potencialë banorë të shtëpisë më të famshme në vend.
Erik Fullani
Sipas burimeve, një nga emrat më të përfolur është Erik Fullani, partneri aktual i Sara Hoxhës (ish-partnere e Ledri Vulës). Pjesëmarrja e tij në Big Brother VIP do të shënonte daljen e parë të tij në një format kaq të madh televiziv.
Santana Çomorra
Një tjetër emër që përflitet është ai i Santana Çomorrës, gazetare, e cila njihet për stilin e saj direkt dhe prezencën mediatike.
Neada Muça
Pas debatit të bujshëm me Enxhi Nasufin, emri i Neada Muçës është ndër më të përfolurit për këtë edicion.
Spektakli nis më 20 dhjetor dhe, sipas të gjitha gjasave, këtë vit gara për famë, vëmendje dhe çmimin e madh do të jetë më e fortë se kurrë.
