Moderatorja Lei Kraja është kthyer në qendër të vëmendjes mediatike pas një deklarate të bujshme të bërë pak ditë më parë në Top Albania Radio, ku ajo foli hapur për idenë për të pasur një fëmijë “me kontratë” me Arbër Çepanin.
Gjatë emisionit “Pardon My French”, biseda u zhvillua në kontekstin e një deklarate të analistit Arjan Curri në podkastin e Grida Dumës, ku ai ishte shprehur i gatshëm të bënte një fëmijë me marrëveshje. E pyetur për këtë koncept, Lei Kraja dha një përgjigje të drejtpërdrejtë dhe personale:
“Unë e kam menduar këtë dhe them që po të mos kem bërë fëmijë deri në moshën 35-vjeçare do t’i them Arbër Çepanit që hajde të bëjmë një fëmijë me kontratë. Duke qenë se i kam thënë disa herë që hajde bëhu babai i fëmijës tim. E kam kështu në mendje, Arbër nëse më dëgjon…”
Në vazhdim të bisedës, moderatorja u pyet se çfarë do të ndodhte nëse deri në atë kohë Arbër Çepani do të ishte martuar. Lei u përgjigj me tone ironike dhe të drejtpërdrejta:
“Me këtë ritëm që ka Arbri nuk do martohet, por nëse ndodh unë do gjej një tjetër.”
Nga ana tjetër, nuk ka munguar as reagimi publik i vetë Arbër Çepanit. Ai ka zgjedhur të përgjigjet përmes një postimi në “Instastory”, ku ka publikuar videon me deklaratën e Lei Krajës dhe e ka shoqëruar me një koment të shkurtër, duke e pranuar në mënyrë lozonjare propozimin e saj:
“Jam dakord. E bëjmë që tani.”
