Stili i rrugës dhe pasarelat janë në një mendje: tendenca e Dimrit 2025 është çanta prej kamoshi. Me teksturë të butë, pamje veluri dhe elegancë të qetë, kjo çantë është kthyer në objektin më të dëshiruar të sezonit – në çdo formë dhe madhësi.
E butë në prekje, delikate në pamje dhe super e lehtë për t’u kombinuar, ajo është propozuar nga shumë marka si pjesë kryesore e stilimeve të tyre. Dhe tani, trendin e vulos edhe një princeshë. Kate Middleton u shfaq në daljen e saj të fundit publike me një çantë të tillë, duke e shpallur çantën prej kamoshi “must-have” absolut të dimrit.
Modeli që ka zgjedhur është “The Small Hudson” nga marka britanike DeMellier, një nga të preferuarat e Instagram-it dhe TikTok-ut. Një mini-bag me përmasa të vogla e kompakte, me formë trapezi dhe pjesë të sipërme të rrumbullakosur, e zbukuruar përpara me një rrip dhe një fibër metalike në ngjyrë ari.
E përbërë nga 39 copa lëkure të punuara bashkë, çanta ka edhe doreza të rrumbullakëta dhe një rip shpatulle, duke e bërë jashtëzakonisht praktike. Kate e ka zgjedhur në ngjyrë çokollatë, duke përqafuar edhe një tjetër trend të Dimrit 2025: tonet e ngrohta kafe, që lidhen perfekt me reflektimet mat të kamoshit. Rezultati? Një aksesor i rafinuar, të cilit është praktikisht e pamundur t’i thuash jo.
E vogël, elegante dhe në ngjyrë kafe çokollatë: çanta e Kate Middleton është aksesori-kult i sezonit. Kamoshi është materiali kyç i look-eve të momentit, në të gjitha variantet e tij, por për çantën “it” të dimrit, prin kombinimi: kamoshi + kafe çokollatë.
Kate e kombinon me një fustan midi me mëngë të gjata, me kuadrata bardh e blu, supe të strukturuara, jakë tip polo dhe brez në bel në të njëjtën ngjyrë. Gjatësia deri te pulpat e këmbës dhe një palë këpucë me majë në nuanca antraciti e bëjnë look-un elegant, por të përditshëm.
