Supermodelja shqiptare me famë ndërkombëtare, Angela Martini, ndodhet në qendër të vëmendjes pas lajmeve për një ndarje të mundshme nga bashkëshorti i saj. Portali amerikan TMZ publikoi së fundmi një raport ku pretendohet se çifti po i jep fund martesës, duke nxitur reagime dhe komente në mediat rozë dhe rrjetet sociale.
Deri tani, modelja nuk ka dhënë asnjë deklaratë direkte për statusin e marrëdhënies, por ka zgjedhur të komunikojë publikisht në një mënyrë tjetër, përmes një postimi në rrjetet sociale.
Në ditën e veçantë të djalit të saj, Kyree Martini Savulescu, Angela publikoi në Instagram një urim të gjatë, të mbushur me tone familjare dhe fjali të forta emocionale. Në përshkrim, ajo e cilëson të birin si “zemra dhe shpirti ynë” dhe si “dhurata jonë më e madhe”, duke theksuar rolin e tij qendror në jetën e prindërve.
Në vijim, Angela shkruan:
“Ti je fëmija që ne zgjodhëm… dhe disi fëmija që na zgjodhi edhe neve. Mrekullia jonë. Gjithçka jonë. Gëzuar ditëlindjen, Kyree. Të duam pa fund.”
Postimi shoqërohej me disa fotografi, mes të cilave edhe një imazh ku shfaqet bashkëshorti i saj me djalin. Kjo zgjedhje vizuale ka tërhequr vëmendje të veçantë, duke qenë se vjen menjëherë pas publikimit të lajmit për divorcin e mundshëm.
Prania e bashkëshortit në foto është parë nga një pjesë e publikut si një sinjal që, pavarësisht raportimeve për ndarje, dy prindërit vazhdojnë të paraqiten si njësi familjare në funksion të fëmijës. Nga ana tjetër, interpretimi mbetet i hapur, pasi mungesa e një deklarate të drejtpërdrejtë lë hapësirë për pyetje mbi statusin aktual të marrëdhënies.
View this post on Instagram
