George Clooney ka njoftuar humbjen e motrës së tij, Adelia “Ada” Zeidler, përmes një deklarate të ndjerë. Aktori i njohur për “Ocean’s 11” i tha revistës People se Ada ka qenë “heroina” e tij, duke e përshkruar si një njeri jashtëzakonisht të guximshëm.
Sipas Clooneyt, motra e tij u përball me kancerin me kurajë dhe humor, duke lënë pas një boshllëk të madh te familja. Ai shtoi se edhe bashkëshortja e tij, Amal, do t’i mungojë pa masë.
Ada Zeidler u nda nga jeta të premten, në moshën 65 vjeç.
Në nekrologjinë e publikuar, thuhet se ajo ka lindur në Los Angeles në vitin 1960 dhe “u shua paqësisht, e rrethuar nga njerëzit që donte”, në një institucion mjekësor. Familja e saj përfshin prindërit Nick dhe Nina Bruce Clooney, fëmijët Nick Zeidler dhe Allison Zeidler Herolaga, bashkëshortin Kenny, si edhe George Clooney dhe Amal, së bashku me të afërm të tjerë.
Ajo kishte humbur më herët bashkëshortin e saj, Norman Zeidler, i cili u nda nga jeta në vitin 2004.
Ada njihej si ish mësuese arti në shkollë fillore, ka qenë edhe National Merit Scholar në gjimnaz, dhe e adhuronte leximin. Ajo u rrit në Augusta, Kentucky, krah për krah me vëllanë e saj.
Edhe pse mbante një jetë private, Ada u pa publikisht në dasmën e bujshme të George Clooneyt me Amal në Venecia, në vitin 2014, ku ajo shfaqej pranë tij gjatë festimeve.
Një ceremoni përkujtimore për Ada Zeidler pritet të mbahet të hënën.
