Ndonjëherë, prindërimi të kthehet kundër… në mënyrën më qesharake. George Clooney, me humorin e tij tipik dhe atë buzëqeshjen “nën mustaqe”, ka rrëfyer se ka bërë një zgjedhje jo fort të menduar mirë: u ka dhënë fëmijëve të tij, binjakëve Ella dhe Alexander, një “armë” perfekte kundër tij. Aftësinë për të folur disa gjuhë, përfshirë edhe italishten, që sipas tij përdoret rregullisht… për ta marrë nëpër këmbë mamanë dhe babain.
I ftuar në The Capital Evening Show me Jimmy Hill, aktori foli rrallë për jetën private dhe tregoi se si familja e tij poliglote shpesh e lë “jashtë loje”, ndërsa ai rri e i sheh të qeshin me njëri-tjetrin.
“Flasin edhe frëngjisht rrjedhshëm. Dua të them, anglishtja është tashmë një gjuhë e huaj për mua, kështu që jam në telashe”, tha Clooney me shaka, duke shtuar se fëmijët e ngacmojnë “përballë tij”, ndërsa ai u rri përballë dhe mendon: “Çfarë the?” dhe “Për çfarë po flisni?”
Dhe pjesa më e bukur? Amal e kupton. Madje edhe pjesa tjetër e familjes, ndërsa George mbetet aty, siç e përshkroi vetë, “i ulur si një budalla”. Sipas tij, edhe Amal është shumë e zonja me gjuhët, veçanërisht frëngjishten, ndërsa ai ende e ka pak të vështirë të kapë ritmin e vendit që kanë zgjedhur prej kohësh ta quajnë shtëpi.
Një histori familjare e thjeshtë, por që e tregon Clooneyn në versionin më njerëzor: një baba që qesh me veten, ndërsa binjakët e tij e kanë kthyer italishten në “kod sekret” për shakatë e shtëpisë.
