Pitagora, që i bëri shifrat një mision jete, besonte se numrat mund të “qeverisnin” universin. Mbi këtë ide ndërtohet numerologjia: një degë e ezoterizmit që u atribuon numrave cilësi, prirje dhe “fat”.
Sipas atyre që merren me këtë fushë, numerologjia nuk ka si qëllim të të “parashikojë” jetën si një profeci, por të të ndihmojë të rritesh duke njohur më mirë veten. Ajo funksionon vetëm kur personi vërtet e sheh veten në pasqyrën e numrave, pra të sjelljeve, prirjeve dhe mënyrës si reagon në jetë. Me disa llogaritje të sakta, e shkuara, e tashmja dhe e ardhmja vendosen në një lloj “karte identiteti”, ku fati mund të kuptohet… dhe ndoshta të korrigjohet.
Këtë temë e shpjegon Maria Vittoria Pieralisi, e cila prej vitesh studion artin kalde të numrave dhe është formuar edhe me emra të njohur si Jodorowsky.
Si funksionon numerologjia, sipas saj?
Sistemi bazohet te:
Emri dhe mbiemri
Data e lindjes
Pasi merren këto të dhëna, numerologu llogarit:
1) Numrin e “Firmës” (emër + mbiemër)
Ky konsiderohet shumë i rëndësishëm për të analizuar fatin personal, sidomos në aspektin material. Kjo, sipas shpjegimit, lidhet edhe me faktin pse disa persona të famshëm zgjedhin emër artistik: ose për të “përmirësuar” potencialin e tyre, ose për të mos u bërë objekt analizash.
Pieralisi e quan numrin e firmës “pasiv”, sepse (në këtë logjikë) ndryshon vetëm nëse ndryshon mënyra si të thërrasin, përdor një nofkë, ose madje ndryshon emrin zyrtarisht.
2) Numrin e datës së lindjes
Ky numër, sipas saj, ka si rol kryesor vetë-njohjen: të kuptosh më mirë veten, të dallosh pikat e dobëta dhe të reagosh duke vënë në punë talentet dhe dhuntitë.
Ky numër konsiderohet “aktiv”, sepse lidhet me vetëdijen dhe evolucionin: pra të shtyn drejt rritjes, realizimit dhe ndryshimit.
Pieralisi shkon edhe më tej: ajo beson se numrat e datës së lindjes mund të japin indikacione edhe për jetë të mëparshme, për të kuptuar më mirë kuptimin e kësaj jete dhe “thirrjen” personale.
Çfarë ndodh kur i injoron këto potenciale?
Sipas kësaj qasjeje, nëse nuk i shfrytëzon dhuntitë që “tregojnë” numrat, jeta mund të bëhet më pak e plotë, sepse nuk bën atë që je “thirrur” të bësh dhe nuk i vë në punë cilësitë e tua.
Po ashtu, ajo thotë se një numër firme i paekuilibruar mund të shoqërohet me probleme ekonomike, sentimentale apo të tjera sepse firma lidhet me fat-in material.
Kuptimet bazë të numrave
Në numerologjinë kalde përdoren kryesisht numrat 1–9, të cilët konsiderohen “të pastër”, primordiale:
1: njerëz shpërqendruar, me ide që realizohen me vështirësi
2: shumë emocionalë, por edhe aktivë, bashkëpunues
3: komunikues, të adaptueshëm në situata
4: të lidhur me materien; të fortë, kërkues, të rreptë, pedantë
5: kuriozë, argëtues, dashamirës të kënaqësive të jetës
6: impulsivë, shpesh të shtyrë edhe nga ndjenja faji
7: lidhje shpirtërore, evolucion dhe thellim
8: më material; lidhet me pasuri dhe “prova” për ta kthyer atë në diçka më të lartë
9: më tepër vetmitarë, individualistë
