Ish-banorja e Big Brother VIP Albania 3, Dea Vieri, ishte së fundmi e ftuar në emisionin e mëngjesit “Wake Up”, ku foli për një temë që duket se po kthehet në debat të përhershëm për personazhet publike: sa nga jeta private duhet të kthehet në përmbajtje për rrjetet sociale.
Në panel, së bashku me Blendi Salajn dhe Heidi Baçin, Dea u ndal te raporti mes famës dhe privatësisë, duke theksuar se ekspozimi në publik nuk do të thotë domosdoshmërisht të ndash çdo detaj të jetës personale. Sipas saj, jo të gjithë e kanë dëshirën dhe as detyrimin të hapin “dritaret” e intimitetit vetëm sepse janë të njohur.
Një pjesë e diskutimit u fokusua te vajzat e showbiz-it dhe mënyra si disa prej tyre zgjedhin të ruajnë të fshehtë jetën sentimentale. Dea e trajtoi këtë çështje edhe me humor, por me një nëntekst të qartë: rrjetet sociale kanë krijuar një pritshmëri të re, ku publiku shpesh e sheh “mospostimin” si mungesë transparence, ndërsa shumë individë e shohin si formë mbrojtjeje.
Me ironi, ajo u shpreh:
“Shumica e vajzave shqiptare nuk i publikojnë në rrjetet sociale të dashurit e vet, sepse Zot më fal, por i dashuri i vet kërkohet nga Interpoli. Tani, atë tjetrin e kërkon Interpoli dhe ajo ta postojë në Instagram… sikur nuk bën sens.”
