Një kukull e re Barbie me autizëm i është shtuar linjës Fashionistas, duke shënuar një hap tjetër drejt përfaqësimit dhe përfshirjes. Kukulla është krijuar në bashkëpunim me Rrjetin e Vetë-Avokacisë për Autizmin, me synimin për të pasqyruar disa nga mënyrat se si personat autikë e përjetojnë dhe konceptojnë botën përreth tyre.
Barbie-ja e re ka disa tipare dalluese: shikimi i saj është i drejtuar lehtë anash, për të simbolizuar shmangien e kontaktit të drejtpërdrejtë me sy, teksa bërrylat dhe kyçet përfaqësojnë lëvizje vetë-stimuluese. Ajo mban veshur një fustan me mëngë të shkurtra, si dhe këpucë të sheshta që ofrojnë rehati.
Aksesorët përfshijnë një lodër rozë, kufje që izolojnë zhurmën dhe një tablet, të ngjashme me pajisjet që disa persona me autizëm përdorin për komunikim.
Kukulla e re Barbie do të jetë e disponueshme në dyqanin online të Mattel dhe në dyqane të përzgjedhura, me një çmim prej rreth 11.87 dollarësh. Prezantimi i saj vjen në një kohë kur statistikat tregojnë se rreth 1 në 31 fëmijë në Shtetet e Bashkuara diagnostikohet me autizëm, me një prevalencë më të lartë te djemtë.
