Blero Muharremi ka zgjedhur ta festojë dashurinë pa u justifikuar, edhe kur rrjetet vendosin të bëjnë “gjyqin” e tyre.
Pas dasmës së tij me Eronitën, e mbajtur mbrëmjen e 12 janarit me shumë të ftuar dhe atmosferë feste, këngëtari u përball me një lumë komentesh në rrjete sociale. Mes urimeve për çiftin, pati edhe batuta tallëse, kryesisht sepse kjo është martesa e tij e tretë.
Disa ndjekës e ironizuan me fraza të tipit “uroj të jetë torta e fundit”, “si nuk përton me gjithë këto martesa”, apo “s’paska punë tjetër veç të martohet e ndahet”.
Por Blero zgjodhi një përgjigje të shkurtër, me humor dhe me një mesazh që e mbyll temën pa dramë.
Në një postim ku shfaqet duke kërcyer mes dasmorëve, ai shkroi: “A ju duket sikur më… gëzuar për dashurinë!”
Në thelb, përgjigjja e tij duket sikur thotë: mund të komentosh sa të duash, por gëzimi i dikujt nuk ka pse të kërkojë leje nga askush. Dhe në atë natë, të paktën për Bleron, rëndësi kishte vetëm një gjë: të festonte dashurinë.
