Princ Leka dhe Blerta Celibashi duket se po i afrohen një hapi të ri në marrëdhënien e tyre: kurorëzimit. Sipas informacioneve që kanë qarkulluar së fundmi në media, çifti ka nisur përgatitjet për ceremoninë, ndërsa data mendohet të jetë më afër nga sa është hamendësuar deri tani.
Lajmi vjen pas një periudhe të gjatë stabiliteti në raportin e tyre, i cili prej kohësh është bërë publik. Një vit më parë, dyshja shënuan fejesën me një ceremoni të ngrohtë dhe private në jug të Shqipëria, në praninë e familjarëve dhe miqve të afërt, një moment që u komentua gjerësisht për natyrën e tij diskrete dhe simbolikën që mbartte.
Që nga konfirmimi i lidhjes, ata janë parë shpesh së bashku në aktivitete dhe evente publike në Tiranë, duke ruajtur një profil të matur, larg ekspozimit të tepruar, por mjaftueshëm të pranishëm për të treguar një raport të konsoliduar. Në daljet e tyre, vëmendja ka rënë shpesh te qetësia me të cilën e menaxhojnë hapësirën publike dhe te zgjedhja për të mos e kthyer jetën personale në spektakël.
Me përgatitjet që thuhet se kanë nisur, martesa do të shënonte një kapitull të ri për çiftin, ndërkohë që detajet e ceremonisë vijojnë të mbeten të rezervuara. Pikërisht kjo diskrecion, i kombinuar me interesin e lartë publik, e ka shtuar edhe më shumë kuriozitetin për atë që pritet të ndodhë në javët në vijim.
