Kim Kardashian ka folur hapur për marrëdhënien që ka sot me ish-bashkëshortin Kanye West, në një intervistë për Complex të publikuar të enjten, rreth një javë pasi nisën të qarkullojnë raportime se ajo po takohet në fshehtësi me yllin e Formula One, Lewis Hamilton.
“Do të jemi gjithmonë familje,” u shpreh ajo. “Ne të dy e dimë këtë. Do të jemi mirë dhe ka shumë dashuri për familjen tonë.”
Kardashian theksoi se të dy kanë të njëjtin prioritet: fëmijët e tyre North, Saint, Chicago dhe Psalm, duke nënvizuar se “të dy duan atë që është më e mira për fëmijët”.
Ish-çifti nisën lidhjen në vitin 2012 dhe u martuan në Italy dy vite më pas. Kardashian kërkoi divorcin në shkurt 2021, ndërsa martesa u mbyll ligjërisht në nëntor të po atij viti.
Pas ndarjes, dinamika e bashkëprindërimit ka qenë herë pas here në qendër të vëmendjes. Në një episod të podkastit Angie Martinez IRL, ajo është shfaqur emocionale kur foli për bashkëprindërimin. Po ashtu, në një episod të “The Kardashians” në nëntor 2025, ajo pranoi se raporti i tyre e bënte të ndihej e lodhur, duke thënë se ishte “i vështirë” dhe se ndonjëherë ndihej sikur “do të shpërthente”.
Në të njëjtën linjë, Kardashian ka sqaruar edhe mënyrën si përpiqet ta menaxhojë situatën: “Thjesht nuk mund të angazhohem vërtet… mendoj se është më mirë kështu.”
Ndërkohë, West u martua me Bianca Censori në dhjetor 2022.
