Në zemër të Romës, mes rrugicave të ngushta dhe turmave të përhershme të turistëve, qëndron një nga monumentet më të vizituara në botë: Fontana di Trevi. Miliona njerëz hedhin monedha çdo vit me simbolikën për një dëshirë, por pak ndalojnë të pyesin se çfarë mund të fshihet pas atyre dritareve që shihen mbi shatërvan?
Duke mos qenë thjesht një shatërvan, por një vepër arti e menduar si skenografi baroke në ajër të hapur, fasada madhështore pas Fontana di Trevi është pikërisht skena ku lind misteri. Sepse ajo që duket si një fasadë monumentale me dritare, është në fakt një ndërtesë reale.
Pas Fontana di Trevi ndodhet Palazzo Poli, një pallat historik që ekzistonte përpara ndërtimit të shatërvanit. Kur arkitektët projektuan monumentin në shekullin XVIII, ata vendosën të mos ndërtonin një strukturë të pavarur. Në vend të kësaj, e integruan shatërvanin direkt me pallatin, duke e bërë ndërtesën pjesë të skenografisë.
Ndryshe nga si imagjinojnë shumë turistë, pas atyre dritareve nuk fshihen dhoma të braktisura. Brenda pallatit ndodhet një institucion kulturor: Istituto Nazionale per la Grafica, ku ruhen gravura historike italiane, koleksione arti të rralla dhe arkiva vizuale me shekuj histori. Në vend të misterit, aty jeton arti.
Pikërisht për të ushqyer imagjinatën kolektive dhe për të krijuar atë iluzion, gjithçka duket më madhështore dhe më dramatike se ç’është. Disa thonë se dritaret kanë qenë dikur banesa aristokratësh, të tjerë besojnë se janë ndërtuar vetëm për efekt vizual. Sepse, si çdo monument i madh, edhe ky ushqen historitë e veta.
