18-vjetori i Pavarësisë, mbahet parada e forcave të FSK dhe policisë së Kosovës

Në kuadër të shënimit të 18-vjetorit të Pavarësisë së Kosovës, është mbajtur parada tradicionale e trupave të Forcave të Sigurisë dhe Policisë së Kosovës.

Kjo ceremoni mbahet çdo vit në kuadër të kësaj dite të shenjtë për mbarë kombin shqiptar.

Moti i keq nuk i ka ndalur festimet në Kosovë me rastin e 18 vjetorit të shpalljes së pavarësisë. Teksa në shesh mbahet parada e trupave të FSK dhe të Policisë së Kosovës, ku po flasin krerët më të lartë të shtetit, kanë nisur edhe reshjet e dëborës.