E njeh atë “rregullin e vjetër” për të bardhën (diçka si: mos vish të bardha pas shtatorit)? Po ja ku vjen një rregull i ri falë një look-u super chic të Kendall Jenner. Pra, të bardhën e veshim menjëherë. Konkretisht: të gjithë duhet të veshim pantallona të bardha me veshje të jashtme klasike për pranverë.
Jenner u fotografua gjatë javës së modës në Milano, më 24 shkurt, e veshur me pantallona të bardha me këmbë të gjera, të kombinuara me këpucë të sheshta të zeza. Dhe, ironikisht (duke pasur parasysh gjithë historinë e “të bardhës”), i gjithë kompleti duket krejtësisht i përjetshëm.
Ajo e plotësoi veshjen me një trench klasik Burberry konkretisht modeli Camden car coat të mbërthyer deri lart, dhe i hodhi sipër supeve një pulovër blu marine. Flokët e errët i la të lëshuar dhe aksesorët i mbajti minimalë: syze të ngushta ovale. Mund të duket pak kundërintuitive të veshësh pulovrën “jashtë” xhaketës, por ky detaj i lehtë, pak jashtë normales, ka kohë që është një sekret i vajzave të modës. Mjafton të kujtosh trendin e pulovrave mbi pallto që u pa gjatë javëve të modës në 2024.
Viti 2025 ishte një moment i madh për “lëvizjen” e xhinseve/pantallonave të bardha dhe i pamë kudo dhe qartazi ky trend nuk ka mbaruar ende. Bella Hadid, kolegia e Jenner në botën e supermodeleve, u pa në Aspen edhe në janar me pantallona të pastra në ngjyrë krem. Ashtu si te Hadid, edhe veshja e Kendall Jenner reflekton atë minimalizmin tipik të viteve ’90. Dhe kjo ndoshta nuk është rastësi, sepse frymëzimi i preferuar i momentit për stilin është Carolyn Bessette-Kennedy, e cila ende e përcakton atë estetikë.
Askush s’mund ta akuzojë Jenner se e lë pas një trend, por kjo ndjeshmëri “à la Bessette” që preferon bazat elegante, të pastra, të ngritura në nivel ka qenë prej kohësh një nga pamjet e saj të sigurta.
Morali i historisë? Rregullat e modës mund të vjetrohen dhe të dalin nga përdorimi, por stili i vërtetë kurrë.
