Mbrëmja e kaluar në shtëpinë e Big Brother VIP Albania solli një nga ato skena që publiku i pëlqen menjëherë: pak humor, pak ndjenja dhe shumë koment në rrjet. Brenda shtëpisë u organizua një ceremoni e improvizuar martese për Selin Bollatin dhe DJ Gimbon, duke e kthyer atmosferën në një festë të vogël mes banorëve.
Edhe pse ishte një moment simbolik dhe pjesë e lojës, “dasma” tërhoqi menjëherë vëmendjen e publikut, sidomos duke pasur parasysh se Gimbo dhe Selin i kanë shprehur hapur ndjenjat për njëri-tjetrin. Në rrjetet sociale nuk munguan komentet, batutat dhe reagimet e fansave, që e ndoqën me interes këtë episod.
Një nga reagimet që mori më shumë vëmendje ishte ai i Gjestit, këngëtarit që njihet për raportin e afërt me Gimbon. Prej kohësh, DJ Gimbo është një nga bashkëpunëtorët e tij më të afërt në koncerte dhe për këtë arsye fansat ishin kuriozë të shihnin si do ta komentonte ai këtë “martesë” brenda shtëpisë.
Dhe Gjesti nuk zhgënjeu.
Përmes një komenti në profilin e Gimbos në Instagram, ai zgjodhi një urim plot humor dhe sportivitet:
“Urimeeeeeee urimeeee, kur del jasht e kallim qysh duhet dasmën puqi.”
Ndërkohë, “dasma” e Selin dhe Gimbos vazhdon të qarkullojë në rrjet, duke u kthyer në një nga episodet më të komentuara të këtij edicioni të BBVA.
