Oriola Marashi ka reaguar publikisht në mbështetje të Gjestit, duke i dalë hapur në krah në një moment të vështirë për artistin.
Përmes një postimi në InstaStory, modelja ka ndarë një foto të sajën të shoqëruar me një mesazh të fortë, ku kërkon lirimin e menjëhershëm të reperit. Në tekstin e publikuar, Oriola shkruan: “FREE @gjestt”, ndërsa më tej mban një qëndrim të prerë ndaj mënyrës si, sipas saj, trajtohen artistët nga kompani të caktuara.
“Artistët nuk janë pronë e askujt. Boll me kompani që ua nxijnë jetën artistave e duan t’ua pijnë gjakun deri në pikën e fundit,” shkruan ajo në reagimin e saj, duke e bërë të qartë se ky nuk është vetëm një mesazh solidariteti për Gjestin, por edhe një kritikë e drejtpërdrejtë ndaj presioneve që, sipas saj, ushtrohen mbi artistët.
Postimi i Oriola Marashit ka nisur menjëherë të qarkullojë në rrjet, duke tërhequr vëmendjen e ndjekësve dhe duke shtuar reagimet rreth situatës së Gjestit. Mbështetja e saj publike vjen në një kohë kur emri i artistit është kthyer në një nga më të komentuarit në media dhe në rrjetet sociale.
Me këtë reagim, Oriola pozicionohet qartë në anën e artistit, duke kërkuar jo vetëm lirinë e tij, por edhe më shumë respekt për punën, të drejtat dhe dinjitetin e artistëve në raport me industrinë.
