Mesazhi se Koreja e Veriut nuk do ta braktisë kurrë statusin e saj si fuqi bërthamore u përsërit nga udhëheqësi i vendit Kim Jong Un, sipas të cilit Koreja e Jugut është shteti më armiqësor.
"Ne do të vazhdojmë të konsolidojmë në mënyrë të vendosur dhe të pakthyeshme statusin tonë si shtet me armë bërthamore, ndërkohë që intensifikojmë në mënyrë agresive luftën tonë kundër forcave armiqësore", tha Kim në një fjalim para parlamentit në Phenian.
Jong Un u shpreh se, zhvillimi i arsenalit bërthamor është plotësisht i justifikuar pasi do të garantojë gatishmërinë e përsosur operacionale të forcave bërthamore në mënyrë që të përballet me kërcënimet strategjike. Sipas CNNgr, udhëheqësi i Koresë së Veriut hodhi poshtë idenë që Peniani të lëvizë drejt çarmatimit bërthamor në këmbim të përfitimeve ekonomike ose garancive të sigurisë.
Armët bërthamore parandaluan luftën dhe i lejuan Koresë së Veriut të kushtonte burime për zhvillimin e saj ekonomik, rindërtimin dhe standardet e jetesës, shtoi ai. Analistët në Korenë e Jugut vlerësuan se komentet e Kim përbënin kritika indirekte ndaj veprimeve të SHBA-së kundër Iranit.
Agjencia e lajmeve KCNA raportoi se udhëheqësi i Koresë së Veriut preku një gamë të gjerë çështjesh, nga armët bërthamore dhe politika e mbrojtjes te qëllimet ekonomike dhe marrëdhëniet me Korenë e Jugut dhe Shtetet e Bashkuara. Kim nuk i kurseu fjalët në lidhje me fqinjin jugor të vendit të tij. Parlamenti i Koresë së Veriut rizgjodhi të dielën Kim Jong-un si kryetar të Komisionit të Çështjeve Shtetërore, postit më të lartë të vendit.
