E ftuar në podcast-in e Kid Cudi, mik i ngushtë i aktorit, Kylie ka bërë një renditje shumë personale të filmave të partnerit të saj.
Kylie Jenner nuk është nga ato që shfaqet shpesh në podcast-e. Deri më tani, e vetmja herë kishte qenë në emisionin e motrës së saj, Khloé Kardashian. Këtë herë, ajo është rikthyer si e ftuar në Big Bro, podcast-in e reperit Kid Cudi, me të cilin ndan një lidhje të veçantë: miqësinë me Timothée Chalamet.
Cudi dhe aktori janë miq prej vitesh, pothuajse si vëllezër, dhe gjithmonë kanë pasur një respekt të ndërsjellë edhe në planin artistik. Nga ana tjetër, Kylie është në një lidhje me Chalamet që prej vitit 2023 dhe e ka shoqëruar vazhdimisht në sezonet e çmimeve. Por larg tapetit të kuq, a është ajo vërtet një fanse e filmave të tij?
Përgjigjja është po.
E nxitur nga Kid Cudi, Kylie ka zbuluar filmin e saj të preferuar:
“Është shumë e vështirë për mua të përgjigjem, i dua të gjithë. Por Call Me By Your Name është një film perfekt!”
Një zgjedhje që nuk habit. Me ardhjen e stinës së ngrohtë, edhe publiku rikthehet shpesh te ky film për ta parë sërish. Ndërkohë, në rrjet, nuk kanë munguar komentet ironike që i referohen një prej simboleve më të diskutuar të filmit.
Pas vendit të parë, Kylie ka përmendur edhe një tjetër projekt:
“Më pëlqejnë edhe Dune!” – duke iu referuar të dy pjesëve të publikuara deri tani, ndërsa një i tretë pritet në dhjetor 2026.
“Nuk shoh dot sa të dalë.”
Gjatë bisedës, Kid Cudi tregoi se mes tij dhe Timothée-s ekziston një lloj tradite: të shohin bashkë filmat e aktorit në kinema. Ai kujtoi një shfaqje të Wonka, ku, sipas tij, ishte edhe Kylie. Ajo reagoi e habitur dhe me humor:
“Wonka e kam parë shtatë herë, por… kur e pamë bashkë të gjithë?!”
Ndërkohë, duket se edhe vetë Kylie Jenner po mendon seriozisht për një hap drejt aktrimit. Në një intervistë të fundit, ajo ka treguar se pas një cameo-je të vogël në mockumentary The Moment të Charli XCX, ka marrë disa skenarë. Edhe pse nuk ka gjetur ende projektin e duhur, është e hapur për të eksploruar më tej këtë rrugë, ndoshta në një komedi apo film aksioni.
Dhe kush e di: nga karrigia e kinemasë në setin e xhirimit, distanca mund të jetë shumë më e shkurtër nga sa duket. Dhe herën tjetër, mund të jetë Timothée ai që e shoqëron Kylie-n në tapetin e kuq të Oscars, BAFTA apo Golden Globes.
