Shëndeti gjinekologjik është një pjesë shumë e rëndësishme e mirëqenies së çdo gruaje, por shpesh disa shenja të trupit injorohen ose nënvlerësohen. Trupi shpesh jep sinjale kur diçka nuk shkon mirë, dhe njohja e tyre në kohë mund të ndihmojë në parandalimin e problemeve më serioze.
Më poshtë do të zbuloni 6 simptoma gjinekologjike që nuk duhet t’i injoroni kurrë.
Gjakderdhje midis periodave
Nëse gjakderdhja ndodh në momente të papritura, ajo mund të lidhet me çështje të ndryshme, si çrregullime hormonale, vezore policistike, fibroide apo edhe probleme të tiroides. Njollat ??e vogla të gjakut gjatë ovulacionit janë të zakonshme, por nëse vëreni gjakderdhje më të madhe, është më mirë të kërkoni këshillën e mjekut tuaj.
Dhimbje ose gjakderdhje gjatë marrëdhënies seksuale
Dhimbja ose gjakderdhja pas seksit mund të jetë shenjë e një infeksioni, siç është klamidia, por edhe shenja e thatësisë vaginale, e cila është e zakonshme në menopauzë. Në raste më të rralla, mund të ketë lidhje me probleme në qafën e mitrës ose vaginë.
Ndryshimet në ciklin menstrual
Nëse periodat tuaja bëhen më të rënda ose kohëzgjatja e tyre ndryshon, kjo mund të tregojë gjendje të tilla si endometrioza, fibroidet apo edhe infeksionet. Këto ndryshime mund të jenë gjithashtu një shenjë e premenopauzës, prandaj është thelbësore të bisedoni me një specialist.
Dhimbje të papritura dhe të forta gjatë menstruacioneve
Nëse vëreni dhimbje të forta që nuk i keni pasur më parë, mund të jetë për shkak të cisteve ose vezoreve policistike. Endometrioza është një tjetër shkak i mundshëm, ndaj mos e injoroni këtë simptomë dhe vizitoni mjekun tuaj.
Ndryshimet në lëngjet vaginale
Nëse lëngjet vaginale kanë një erë të fortë dhe të pakëndshme, kjo mund të tregojë vaginit bakterial, një infeksion mykotik ose një sëmundje seksualisht të transmetueshme. Është e rëndësishme të kontrolloni për të trajtuar siç duhet problemin.
