Dasma përrallore e Dua Lipës dhe Callum Turner në Siçili u komentua gjerësisht për atmosferën luksoze dhe listën e gjatë të të ftuarve VIP. Megjithatë, një mungesë e rëndësishme nuk kaloi pa u vënë re: babai i aktorit britanik nuk ishte i pranishëm në ceremoninë e të birit.
Sipas raportimit të The Sun, Laurence Coles ndodhej në Angli ditën e dasmës, ku kishte zgjedhur të merrte pjesë në një tjetër ceremoni martesore, atë të Jamie Rae Keeble, vajzës së bateristit të grupit Spandau Ballet, John Keeble.
Mungesa e tij ka rikthyer sërish në vëmendje marrëdhënien e ndërlikuar me Callum Turner. Burime pranë familjes kanë bërë të ditur se raporti mes tyre ka qenë i vështirë prej vitesh. Edhe pse kohët e fundit ishte përfolur për një afrim, vendimi për të mos marrë pjesë në dasmën e aktorit ka ngritur sërish pikëpyetje.
Vetë Callum Turner ka folur më herët për marrëdhënien me të atin, duke pranuar se nuk kanë pasur një lidhje të ngushtë. Aktori është rritur nga nëna e tij, Rosemary Turner, në Londër, ndërsa babai u transferua në Australi, çka bëri që kontaktet mes tyre të ishin të kufizuara për një periudhë të gjatë.
Ndërsa ceremonia e Dua Lipës dhe Callum Turner vazhdon të jetë një nga ngjarjet më të komentuara të showbiz-it ndërkombëtar, mungesa e babait të dhëndrit është shndërruar në një tjetër detaj që ka tërhequr vëmendjen e mediave dhe ka shtuar kuriozitetin rreth marrëdhënieve brenda familjes së aktorit.