Ja lajmet më të bujshme të showbiz-it shqiptar.

Diellza Kolgeci publikon foto me të dashurin

Diellza Kolgeci, ish-Miss Kosova, është padyshim një nga femrat më të bukura të showbizzt tonë. Gjithnjë ajo është shfaqur e pashoqëruar nga meshkujt, duke krijuar idenë e një beqareje, por nuk është kështu. Prej disa kohësh bukuroshja është në një lidhje me Noli Fetoshin, i cili shpesh publikon fotografi me Diellzën duke treguar se sa shumë duhen ata. Çifti është bashkë prej disa kohësh duke përjetuar një histori të bukur dashurie. Nga udhëtimet e tyre, nga e përditshmja, pak rëndësi ka. Noli dhe Diellza nuk e fshehin më dashurinë.GSH

Pas vitesh si “single”, Genta Ismajli gjen dashurinë

U bënë vite që Genta Ismajli deklarohet “single”, e në fakt këngëtarja ka mohuar çdo romancë për të cilën është përfolur, përfshirë atë me Flori Mumajesin. Këngëtarja e famshme është përpjekur vazhdimisht ta mbajë larg vëmendjes së publikut jetën e saj private, e duhet thënë se deri diku ia ka arritur. Por duket se edhe Genta nuk mund t’iu shpëtojë përjetësisht syve kureshtarë. Këngëtarja thuhet se ka nisur një lidhje të re, me një djalë nga Kosova. Sipas thashethemeve, djali që ka arritur të fitojë zemrën e këngëtares jeton në Shtetet e Bashkuara dhe ka një biznes të vetin në kontinentin e largët.GSH

Djemtë që u fiksuan pas Luana Vjollcës në vite, nga lulet e shtrenjta te propozimet për martesë

Pasioni i çmendur i një fansi për moderatoren e “Top Channel” Luana Vjollca, që për pak mund të degjeneronte në një tragjedi, është shndërruar në historinë më të klikuar të këtyre ditëve në media, për faktin se si mund të kryqëzohen jeta e një vajze të famshme me një djalë të panjohur. Personi që e admironte Luanën, por në një mënyrë të frikshme, të mërkurën u bë shkak i një incidenti të rëndë në zonën e Unazës së Re në Tiranë, ku u përfshi edhe miku i zemrës së Luanës, Krenar Çoçaj. Ai është një 32­vjeçar nga Tepelena, quhet Besmir Lila, dhe është banues në Lundër, pranë një qendre tregtare në periferi të Tiranës. Djali prej shumë vitesh kishte jetuar në Britaninë e Madhe dhe flitet se arsyeja e kthimit të tij në Shqipëri nga Londra ishte pikërisht fiksimi që kishte për Luana Vjollcën. Gjatë deklarimeve që ka dhënë në Polici pas përplasjes fizike me Krenarin, Lila ka deklaruar se nuk ishte thjesht një fiksim, por ishte një pëlqim i sinqertë që ai kishte për Luanën dhe këmbëngulte që ta takonte, qoftë edhe thjesht për të pirë një kafe me të. Ai nuk ka shpjeguar arsyen se përse lëvizte nëpër Tiranë me një armë me vete. Ai vazhdimisht postonte fotografi dhe video të Luanës dhe shpërndante edhe për miqtë çdo postim që ajo bënte në profilin e saj në Facebook. Ndërsa muajt e fundit, që nga dhjetori i vitit 2016 e deri tani, ai i shkruante mesazhe Luanës, kryesisht në Instagram. Mesazhet ishin kthyer në shqetësim për moderatoren 26­vjeçare, pasi ai i kishte hyrë seriozisht njohjes me Luanën, duke e kthyer në preokupimin e tij kryesor të jetës. Ai i kishte mësuar adresën e shtëpisë e të punës, e madje e priste vazhdimisht aty.  Herë i shkruante se ndodhej poshtë shtëpisë së saj, duke e pyetur nëse mund të ngjitej lart e ta takonte e herë i shkruante se ndodhej pranë punës së saj pranë zyrave të “Top Channel” në Mëzez, ku po e priste deri sa ajo të mbaronte. Pas gjithë këtyre situatave, Besmir Lila i doli në rrugë Luana Vjollcës. Ngjarja ndodhi para dy ditësh, rreth orës 19:00, në Unazën e Re, pranë hotel “Roland”. Fansi i çmendur i identifikuar nga policia si Besmir Lila, e ka përndjekur prezantuesen e njohur, ndërkohë që ka goditur mikun e saj, Krenar Çoçajn me grushte, pasi ky i fundit i erdhi në ndihmë Luanës. Më pas, policia arrestoi 31­vjeçarin, menjëherë pas sherrit, ndërsa gjatë kontrollit fizik, iu gjet dhe bllokua në cilësinë e provës materiale një armë zjarri, e llojit pistoletë, pa numër. Ndërkaq, mund materiale një armë zjarri, e llojit pistoletë, pa numër. Ndërkaq, mund të themi se ky ishte dhe rasti më ekstrem i serialit të djemve të fiksuar pas Luanës ndër vite.

HISTORIA E PËRNDJEKJEVE NË VITE

Historitë që ka përjetuar Luana Vjollca nisin nga viti 2012, kur me anë të një interviste ekskluzive për gazetën “Panorama”, moderatorja e njohur rrëfeu se një djalë me inicialet O.Z., pedagog në një universitet privat, e përndiqte në atë kohë nëpërmjet email­eve apo duke i kapur njerëzit e afërt. Në atë peridhë Luana kishte bërë një ngritje të menjëhershme në karrierë, duke u ngjitur në skenën e “Pallatit të Kongreseve” si prezantuese e “Top Fest 9”.

Luana rrëfeu për gazetën “Panorama” në vitin 2012 se pavarësisht faktit se personi në fjalë kishte 3 vite që e përndiqte, ajo nuk e kishte denoncuar në Polici duke respektuar atë çfarë ai mund të ndjente karshi saj, por pastaj erdhi një moment që situata u bë e padurueshme. Një fans tjetër i çmendur pas Luanës, që doli me fytyrë në media, ishte djali me emrin Enaldo. Në vitin 2015 ai doli hapur me një pankartë, në të cilën i deklaronte hapur dashurinë Luanës. Në mbi 200 postime në Instagram pjesën më të madhe ia dedikonte Luanës me foto e fraza dashurie për të. Përveç mesazhit “Edhe 100 jeta ime!”, ai i lutej për një përgjigje. Marrëzia e tij kishte arritur deri aty sa emrin në Instagram e kishte bërë bashkim të emrit të tij me të Luanës. Ndërkohë nuk mungonin deklaratat publike, ku shkruante: “Luana Vjollca, je e imja”. Mes djemve të panjohur, por të çmendur pas Luanës, ishte dhe një djalë i quajtur Premtim Fetahu, i cili u vetëdeklarua në media se ishte ai që i dhuronte lule Luanës prej vitesh. Por ky nuk ishte rasti për t’u shqetësuar, pasi Luana i postonte vetë fotot me buqetat e luleve. E pas luleve, erdhën pikturat, dedikime po ashtu që i vinin Luanës nga fansat vazhdimisht. Panorama.al