Monika Zguro është një nga miss-et shqiptare, që, megjithëse nuk e vazhdon më angazhimin në fushën e modës, spektakleve dhe televizionit, ruan pamjen prej miss-i. Jo thjesht sepse sytë e bukur ngelen gjithmonë të njëjtët, por edhe sepse ajo vazhdon të ketë po ato flokë të gjatë të errët dhe të njëjtën elegancë në linjat e saj trupore.
Po ku është sot Monika Zguro e shpallur Miss Albania në vitin 1993? Siç mund ta keni dëgjuar dhe më parë, ajo për disa vite ka qenë pjesë e administratës shqiptare, ku ishte punonjëse e Ministrisë së Jashtme dhe më pas është angazhuar për disa vite në Konsullatën shqiptare në Greqi dhe tashmë në Itali.
Sa për pamjen, edhe pse i ka kaluar tashmë 40 vitet, vazhdon të jetë po aq e bukur dhe elegante, e ngjashme me supermodelet më të njohura botërore. Me siguri, në zyrat e diplomacisë apo aktivitetet zyrtare, dyshohet, edhe pa e ditur, që Monika ka një prejardhje Miss-i.