Rozana Radi, sonte ka bërë një status të veçantë, ku na tregon historinë e Loretës. Loreta është macja e saj dy vjeçe e cila ka pësuar një aksident.
Pasojat nuk janë zhdukur, çdo ditë Rozi duhet të bëjë më shumë punë me macen e saj sesa bëjnë njerëzit e tjerë që kanë një mace, por kjo nuk e ka lodhur. Ajo ka vendosur ta mbajë në jetë, sepse nuk na takon ne të vendosim për jetën e një krijese tjetër. Macja tani i përdor këmbët, luan si shumë të tjera, nuk ecën në mënyrë perfekte, por dashuria nuk kërkon perfeksionin. Nëse do kërkonim kafshën më të bukur, më të zgjuar, më të shkathët e që mundësisht të na bindej sa herë hapnim gojën, ndoshta nuk jemi duke kërkuar një qenie për të dhënë e marrë dashuri, por thjesht një qenie që të na argëtojë, një “pupac” që merr frymë dhe kjo është e padrejtë. Rozana e do macen e saj dhe na ka dhënë një mësim të vërtetë dashurie. Ajo madje ka shkruar edhe emrat e veterinerit dhe hotelit e spitalit të kafshëve ku e ka lënë Loretën për disa ditë, të cilat i kemi lënë të plota në këtë status. Nëse dikush ka nevojë për një këshillë mund t’i kontaktojë. Rozi ka gjetur një vend të sigurt për ta lënë gjatë pushimeve dhe megjithatë i mungon, siç ndodh në çdo histori dashurie…Sepse kjo është dashuri!
