Vazhdon të jetë e tensionuar situata në Capitol Hill, aty ku sot pritej që Kongresi Amerikan të certifikonte fitoren e Joe Biden. Mbështetës të Donald Trump, cili nuk pranon humbjen, kanë mësyrë në ndërtesë.

Ndërsa disa zyra të Kongresit në SHBA, janë izoluar, presidenti Donald Trump u ka bërë thirrje protestueseve që të ruajnë qetësinë. Në një postim në Twitter, Trump shkruan se policia e Kapitolit dhe Përforcimi i Ligjit janë në anën e vendit.

Ndërkohë, CNN raporton se zv/presidenti Mike Pence është evakuuar nga ndërtesa ku ndodhej për Sesionin e Përbashkët të Kongresit. Po ashtu, raportohet se votimi për certifikimin e votave elektorale është pezulluar, pasi protestuesit u futën në ndërtesë. 

Një grua është qëlluar me armë brenda Kongresit Amerikan pasi mbështetësit e Presidentit Donald Trump sulmuan ndërtesën dhe u përleshën me dhunë me policinë.

Ndërkohë, pamje të tjera të marra nga brenda ndërtesës tregojnë përplasjen fizike mes protestuesve dhe forcave të policisë.