Kanye West nuk ka hequr dorë nga shpresa për të shpëtuar martesën e tij me Kim Kardashian.
Ylli i hip-hop-it i bëri një apel publik ish gruas së tij, që të "kthehej menjëherë tek ai" ndërsa ai performoi së bashku me Drake në koncertin "Free Larry Hoover" të enjten mbrëma.
Ngjarja, e cila u zhvillua në Los Angeles Memorial Coliseum dhe u transmetua drejtpërdrejt në Prime Video të Amazon, kishte për qëllim të rriste ndërgjegjësimin për reformën e burgut dhe dënimit dhe, më konkretisht, rastin e Larry Hoover.
West dhe Drake kanë mbrojtur lirimin e bashkëthemeluesit të bandës Gangster Diciples të Çikagos, i cili u dënua për vrasje në vitin 1973 dhe aktualisht po vuan gjashtë dënime të përjetshme në një burg në Kolorado.
Gjatë një interpretimi të këngës së tij "Runaway", West vendosi të devijonte nga mesazhi kryesor i koncertit dhe të niste një përpjekje për të rifituar gruan e tij.
"Kam nevojë që të vraposh menjëherë tek unë," tha West, duke shtuar një varg të ri në këngë. "Më konkretisht, ti Kimberly."
Koncerti ishte performanca e parë kryesore e West në pesë vjet dhe gjesti i tij shkaktoi një reagim të madh nga turma.
Kardashian bëri kërkesë për divorc nga West në shkurt, shtatë vjet pasi dyshja u martua në një dasëm luksoze në Itali.
Deklarata romantike e tij vjen disa javë pasi ai e bëri të qartë se ende shpresonte për një pajtim.
