Vëlla e motër, të cilët akuzuan Tiffany Haddish dhe Aries Spears për ngacmim fëmijësh kanë tërhequr padinë e tyre.
“Familja ime dhe unë e kemi njohur Tiffany Haddish për shumë vite – dhe tani e dimë se ajo kurrë nuk do të më dëmtonte mua apo vëllain tim apo të ndihmonte dikë tjetër të bënte ndonjë gjë që mund të na dëmtonte”, tha vajza, e identifikuar vetëm si Jane Doe, për TMZ, në emër të saj dhe vëllait të saj. “I urojmë më të mirën Tiffany-t dhe jemi të lumtur që të gjithë mund ta lëmë këtë pas.”
Megjithatë, Spears nuk u përmend në deklaratë.
Ankesa fillimisht u depozitua më 30 gusht dhe viktimat e supozuara pretenduan se Haddish e detyroi vajzën, asokohe 14 vjeç, dhe vëllain e saj, asokohe 7 vjeç, të merrnin pjesë në një skeç komedie.
Padia pretendonte se djali i vogël ishte ngacmuar nga Haddish dhe Spears, ndërsa filmonin një video shqetësuese të publikuar përmes Funny Or Die dhe platformave të tjera në internet, të titulluar "Përmes syve të një pedofili".
Haddish adresoi akuzat në fillim të këtij muaji, duke deklaruar në mediat sociale se për shkak se ka një çështje ligjore në vazhdim, nuk mund të fliste, por i mohoi akuzat.
LEXONI EDHE:
Akuzohet për ngacmim seksual, reagon e penduar Tiffany Haddish
