Ajo që deri dje shihej vetëm në kronikat ndërkombëtare apo në filma fantastiko-shkencorë, tashmë është bërë realitet edhe në Shqipëri. Robotët kanë mbërritur në tregun vendas, duke shënuar një hap të ri në mënyrën si konceptohet shërbimi ndaj klientit.
Në një pasticeri në qytetin e Durrësit, klientët mirëpriten nga Melisa, një robot i pajisur me ekran, sensorë dhe lëvizje të koordinuara që e ndihmojnë të shpërndajë porositë me efikasitet dhe edukatë. Flet anglisht, reagon ndaj zërit dhe, siç dëshmojnë vizitorët, është bërë menjëherë pjesë e atmosferës së lokalit.
Eriona Sopi sipërmarrësja që solli këtë risi në shërbim rrëfen se gjithçka nisi nga dëshira për të sjellë diçka ndryshe dhe moderne në shërbim të klientëve.
“Porosia është bërë në Kinë, është dashur një vit për ta sjellë këtu. Ky robot është ndihmës i kamarierëve në transportimin e produkteve dhe në ndihmesën e tyre. Absolutisht jo për eliminimin e fuqisë punëtore, vetëm për të ndihmuar. E kanë pritur shumë mirë, është shumë gjë e bukur. Zëvendësim nuk besoj, ndihmës po, ndoshta reduktim, mendoj”, tha Eriona Sopi, sipërmarrëse.
Melisa tërheq vëmendjen e klientëve që ndjekin çdo lëvizje të saj, ndërsa për stafin mund të quhet pa frik një kolege e mirë që ju vjen në ndihmë.
“Nuk është se ndihemi shumë në presion, por janë ndihmë plus për stafin. Nuk besoj që do të zëvendësojë punëtorët, thjesht do ta kemi si ndihmë”, shtoi menaxheri.
Për momentin, Melisa shërben ëmbëlsira, por sfida e vërtetë mbetet: si do të shërbejë shoqëria shqiptare ndaj përqafimit të teknologjisë?
Për momentin, Melisa shërben ëmbëlsira, por sfida e vërtetë mbetet: si do të shërbejë shoqëria shqiptare ndaj përqafimit të teknologjisë?View this post on Instagram
