Jeleku i gjyshes ka dalë nga gardëroba, modelet që do t’i shihni kudo në vjeshtë

Pas më shumë se 18 muajve, kur tendencat e modës patën një tërheqje dhe kostumet sportive zunë të gjithë hapësirën e gardërobës sonë, ky sezon i ri i vjeshtës është rikthyer me një veshje që ju ka munguar për një kohë të gjatë.

Pavarësisht faktit nëse bëhet fjalë për zyrën, drekën me gocat apo netët e takimeve më elegante, njëra prej veshjeve që do t'ju tregojë moderne është rikthyer – prandaj edhe duhet të vraposh për të kërkuar në dollapin e gjyshes.

Koha për të parë përsëri tendencat ka trokitur dhe në veçanti për këtë veshje që nis të përdoret pikërisht në kohën kur moti sapo është ftohur - jeleku i gjyshes.

Me siguri, shumë vajza në Instagram mund t’i keni parë me një stil të ri të veshjes së tyre. Nuk është një model i ri, sepse është një stil që e njihni prej kohësh.

Jelekët e trikotuar, në fakt, kanë qenë të njohura që kur shtëpitë luksoze të modës përfshirë “Prada”, “Gucci” dhe “Dior” i përfshinë ato në koleksionet e tyre AW20.

Që atëherë, ata janë shfaqur sërish, por me modele të ndryshme: të prera në silueta edhe më të mëdha, me modele më të guximshme, me jakë më të mbyllur, më të hapur etj.