Festivali i 68-të i Filmit në Kanë ka filluar mbrëmjen e djeshme në Francë, me dramën sociale franceze “Qëndrimi i gjatë”, film i cili ka në qendër të tij një kriminel të ri. Në të interpreton edhe aktorja e mirënjohur franceze, Catherine Deneuve. Në natën e hapjes, Joel dhe Ethan Coen, bashkëpresidentët e jurisë së Kanës këtë vit, prezantuan anëtarët e tjerë të jurisë, duke përfshirë Jake Gyllenhaal dhe Sienna Miller, të cilët do të vendosin për çmimin prestigjoz të këtij festivali, “Palma e Artë.”
Por, më shumë se gjithçka tjetër, ky është ai momenti i vitit, kur sytë e të gjithëve drejtohen drejt Francës për të shpallur fustanet më të bukur. Yjet e njohur të Hollywood-it parakaluan në tapetin e kuq, përpara hapjes së ceremonisë. Shikoni kush është në “luftë” për të marrë çmimin e parë të tapetit të kuq këtë vit.
