Lëngjet më të shëndetshme janë ato që kombinojnë perimet dhe frutat. Në këtë mënyrë ofrohet një ekuilibër shumë i nevojshëm mes fibrave, proteinave, vitaminave dhe sheqerit që gjendet te frutat. Këto lëngje përmbajnë pak sheqer dhe janë ideale për shëndetin.

Lëngjet me bazë perimesh dhe frutash ndryshojnë nga lëngjet e shtrydhura. Këto lëngje përgatiten duke kombinuar fruta dhe perime, duke i përzier derisa të bëhen pelte, duke i holluar me ujë ose qumësht dhe servirur me akull nëse dëshironi.

Spinaq, avokado dhe mollë

Ju duhen:

• Një gotë e gjysmë me lëng molle

• 2 filxhanë me spinaq të zier dhe të copëtuar.

• Një mollë e paqëruar

• Gjysmë avokadoje e ndarë në copa.

Hidhini të gjithë përbërësit në mikser dhe përziejini për një minutë. Shtoni ujë deri sa lëngu të arrijë trashësinë e duhur.

Spinaq, ananas dhe banane

Ju duhen:

• Gjysmë filxhani me qumësht të arrës së kokosit

• 2 filxhanë me spinaq

• Një filxhan e gjysmë me copa ananasi

• Një banane e ndarë në copa.

Përziejini të gjithë përbërësit në një mikser për rreth një minutë. Shtoni ujë deri sa lëngu të arrijë trashësinë e duhur.

Spinaq, rrush dhe arrë kokosi

Ju duhen:

• Një filxhan me rrush pa fara

• Një filxhan me spinaq gjethevogël

• Gjysmë filxhani me akull

• Çerek gote me qumësht të arrës së kokosit.

Hidhini të gjithë përbërësit në mikser dhe përziejini për një minutë. Shtoni ujë derisa lëngu të arrijë trashësinë e duhur.

Spinaq, selino, mollë

Ju duhen:

• Gjysmë filxhani me gjethe spinaqi

• Një kërcell selinoje

• Gjysmë bananeje

• Gjysmë filxhani me lëng molle jeshile

• Gjysmë gote me akull

Përziejini të gjithë përbërësit në një mikser për rreth një minutë. Shtoni ujë derisa lëngu të arrijë trashësinë e duhur. Lëngu i mollës dhe banania e maskojnë shumë mirë erën e fortë të perimeve.

Burimi: Top Channel