Kinematografia shqiptare në zi.
Aktorja e njohur Hajrie Rondo është ndarë nga jeta pasditen e sotme në Himarë. Pavarësisht premtimeve se do të mposhte sëmundjen e rëndë, dhe do kthehej fuqishëm në skenën shqiptare, ajo nuk ia doli dot.
Rondo, ose siç e njohim të gjithë si “Tana” tek komedia “14 vjeç dhëndër” humbi betejën e saj të vetme me sëmundjen duke u ndarë nga kjo jetë në moshën 66- vjeçare.
Pak kohë më parë ajo u nderua nga kryebashkiaku Erion Veliaj me me çmimin “Simboli i Qytetit” ku dhe mbajti fjalimin frymëzues dhe rrëfeu mes dhimbjes e forcës luftën me sëmundjen e mundimshme.
“I thashë sëmundjes ik tutje se kam pak punë”, u shpreh aktorja duke u kthyer në simbol force e frymëzim për të gjithë. – “Shiheni jetën me ngjyra”, tha ajo.
Rondo ka luajtur rreth 120 role në teatër dhe rreth 40 role në filma, ku ka spikatur për rolin e saj si “Tana” te komedia “14 vjeç dhëndër”.
