Kur një model flokësh kthehet në trend të gjithëve ju pëlqen ta provojnë, për më tepër kur ky fikson edhe VIP-at. Një prej modeleve që është kthyer në trend dhe që po e shikojmë te shumë prej vajzave të famshme, shqiptare ose jo, është edhe modeli i flokëve gjysmë të kapura. Një model i përdorur në vitet `90 dhe që është risjellë sërish së fundmi, na fiksuar të gjithëve.
Ariana Grande dhe Beyonce kanë qenë ndër të parat që e kanë preferuar dhe e kanë përdorur vazhdimisht gjatë performancave në skenë. Kohët e fundit e kemi parë të përdoret shpesh edhe nga Kim Kardashian dhe VIP-a të tjerë, por edhe nga vajzat e famshme shqiptare. Elvana Gjata, Era Istrefi, Luana, Kida, Fjolla Morina, Beatrix Ramosaj etj, kanë eksperimentuar dhe duket se kjo kapje flokësh është bërë për to. Një model në dukje i thjeshtë dhe shumë i bukur, i bënë flokët të duken me volum dhe shumë të shëndetshëm. Funksionon për shumë lloje flokësh, për kaçurrelat, të drejtat, të gjatat, madje edhe për flokët e shkurtër. Bella Hadid e ka treguar më së miri se ky model mund të përdoret dhe të duket po aq bukur edhe në flokët e shkurtër. Këto janë disa prej vajzave të famshme që pasi e kanë provuar nuk kanë hequr dorë nga ky model.
