Këngëtarja Juliana Pasha u përball këtë të hënë me pyetjet e gazetarëve më të rinj të emisionit “Në Kurthin e Piter Pan”. Megjithëse u përpoq të shuante çdo kureshtje të tyre, as Juli nuk e pati të lehtë të anashkalonte pyetjet e tyre pikante.
Kështu, Juliana rrëfeu për këngën që kërcejnë të gjithë shqiptarët në dasma “Xhamadani vija-vija”, disa histori që i lidhi me fëmijërinë e saj prej djali çapkën, por edhe për “Juli llasticën”, siç e quanin disa prej shokëve e shoqeve, për shkak se e ëma ishte mësuesja e saj dhe kjo mjaftonte që Juli të shihej si “e përkëdhelura”.
Ndërsa për karrierën dhe rrugën e gjatë në muzikë, Juli tha se nuk është gjithmonë e lehtë, sepse të ardhurat me një dorë i merr e me një dorë i jep, se duhen veshje, make up, këngë, klipe etj.
Po kështu, Juli rrëfeu edhe për këngën e dashurisë që lidhi atë me bashkëshortin: “Kur unë kam njohur bashkëshortin tim, kam kënduar “Because You Loved Me” dhe ai u dashurua me mua dhe më mori për grua.”
